श्रीगणेश सहकारीको संक्षिप्त परिचय

श्रीगणेश वचत तथा ऋण सहकारी संस्था संवत् २०५६ साल साउन २५ गते काठमाडौँ जिल्लाभर कार्यक्षेत्र रहने गरी स्थापना भएको हो । संस्थाको प्रारम्भिक वर्षहरु काठमाडौँ जिल्लाको कलंकीमा कार्यालय सञ्चालन गरी विशेषतः सोही आसपासमा सक्रिय रहेको थियो । विष्णुहरि विसुरालको अध्यक्षतामा स्थापना भएको यो सहकारी संवत् २०६२ तिर कलंकीबाट चावहिल र संवत् २०६४ मा चावहिलबाट सामाखुसी क्षेत्रमा कार्यालय स्थानान्तरण गरी भाडाको भवनबाट संस्था सञ्चालन गर्दै आएकोमा संवत् २०७५ बाट टोखा नगरपालिका वडा नं ९ गणेशचोकस्थित १२ आनामा बनेको घरजग्गा खरिद गरी सोपश्चात् सोही भवनबाट संस्था सञ्चालन हुँदै आएको छ ।

संवत् २०८२ असोज ३, संविधान दिवस तथा संस्थाको पच्चिसौँ वार्षिक साधारण सभाको शुभ अवसरमा संस्थाको वेबसाइड सञ्चालनमा आएको पहिलो दिनसम्म आइपुग्दा संस्थामा १६७२ सदस्य आवद्ध हुनु भएको छ । संस्थाको सेयर पुँजी रु ७,६८,८४,१००।०० र कारोवार एक अरब भन्दा माथि रहेको छ । 
 

• सहकारी विभागबाट स्वीकृत तथा नियमन प्राप्त
• पारदर्शी र सदस्यमैत्री सेवा प्रणाली
• २४ घण्टा डिजिटल बैंकिङ सुविधा